انا هنا هنا يا بان الحلال ..لا عايزه جاه ولا كتر مال
بحلم بعش املاه انا سعد وهنا
دي طبعا كلمات اغنية الشحروره صباح "انا هنا يا ابن الحلال"
صباح لما كانت بتغني الاغنيه كانت بتغنيها لحبيها عشان تبينله انها شرياه وعاوزاه وراضيه بيه باقل حاجه
بس دلوقتي وفي زماننا طبعا البنات تسمعها بس بهدف تاني خااااااالص،اللي هو طبعا ان العنوسه وان البنات بترضي باقل حاجه عشان متاخدش لقب عانس
بس للعنوسه اسباب كتير منها هبل البنات والبطاله وظروف الحياه
هبتدي في البوست ده باول سبب وهو هبل البنات
حاجه غريبه جدا بقي بلاحظها ان البنت وهي في اول العشرينات كده يفضل يتقدملها عريس فالتاني فالتالت وهي مستعظمه توافق علي واحد فيهم والله بجد البت من دول لما يتقدملها كذا عريس ورا بعض بتفكر نفسها بقي هيفاء وهبي وان خلاص العرسان مش هيتقطعو عن بيتهم لا ياختي يا حلوه هقولك حاجه قالتهالي واحد دكتوره في علم النفسي واتهيالي انها حاجه صحيحه ايه هي بقي...........
ان البنت بتجيلها فتره اسمها فترة الزهوه الفتره دي بيتقدملها عرسان كتار لكن بعد الفتره دي متخلص مش بيتقدملها حد غير قليل او بقي لو خاطبه او جواز صالونات او ما شبه ذلك
طب ليه بقي توصلي نفسك لمرحله زي دي وتروحي تقعدي عند واحده صاحبتك عشان في عريس صاحب جوزها مستنيكي هناك وعاوز يعين البضاعه والخ الخ الخ من الحاجات دي
طب هتقلولي ما اللي بيتقدمو بيبقو كده برضو لالالا مختلفين طبعا
هقولكو ازاي اللي بيجي لغاية البيت يتقدم ده شافك وعجبتيه وواحد محترم حب يدخل البيت من بابه بدل ميلعب بيكي
البت بقي لما يتقدملها العريس تقعد تقولك لا ده بوئه كبير لا منخيره طويله لا ودنه طالعه لبره لا ده رفيع اوي
والموضه بقي بتاعة ابنات دلوقتي لا معندوش عضلات هههههههههههه
اه يانا يا مثبت العقل في الدين يارب يعني هي العضلات هتفرق
ولا هو انتي اللي كامله اوي ياختي ومفكيش عيب
اعقلي شويه يا بت منك ليه وبطلو هبل وعبط وبص للمناظر
هتقلولي يعني نقبل اي حد عشان مناخدش لقب عانس ..لاطبعا انتي تختاري وتتشرطي وتتأمري وتعملي كل اللي علي مزاجك بس تفكري كويس ومتطلعيش عيوب ملهاش لزمه ومش هتأثر
يعني ترفضي مثلا لو اتقدملك واحد تعليمه مش اد كده وانتي طالبه جامعيه ارفضي من حقك
لكن بقي لو اتقدملك واحد جامعي وبيشتغل ومكون نفسه مترفضيش بقي عشان بوئه كبير ولا سنته معوجه ولا سمانته معوجه ههههههههههههه والهبل اللي بنشوفه ده
تقدملك خريج جامعي ولسه بيكون نفسه زي معظم شاب اليومين دول اقبلي مش عيب تكافحو فيداية حياتكو ولو اهلك رافضين اقنعيهم بعقل..قوليلهم هنكاحك زي مانتو كافحتو والبوئين بتوع البنات دول
وافتكري نفسك كده لو وصلتي لمرحلة العنوسه هترضي باقل القليل عشان انتي هتكوني عاوزه تتجوزي وخلاص
طب ليه بقي كده والحلو قدمنا ومستني كلمة اه بس
استنوني في البوست التاني عن البطاله